ცენტრის მისია

11-11-2020
ივანე ბერიტაშვილის ექსპერიმენტული ბიომედიცინის ცენტრის მისია სამეცნიერო-კვლევითი ცენტრის, როგორც საქართველოს ერთ-ერთი წამყვანი დაწესებულების როლის შენარჩუნება-გაძლიერებაში, ინტელექტუალური რესურსების ეფექტური გამოყენების საფუძველზე სხვადასხვა სირთულის კვლევითი და ინოვაციური პროექტების განხორციელებაში, როგორც ადგილობრივ, ისე საერთაშორისო დონეზე მეცნიერებისა და საზოგადოებრივი განვითარების წინსვლაში მდგომარეობს. 
 
ცენტრის მიზნებს წარმოადგენს:

  • სამეცნიერო - კვლევითი საკონსულტაციო და საექსპერტო საქმიანობის განხორციელება;
  • ქვეყნის სამეცნიერო-ტექნოლოგიური პროგრესის ხელშეწყობა;
  • სამეცნიერო საქმიანობისათვის ყოველმხრივი ხელშეწყობა;
  • ახალი ტექნოლოგიების შექმნა, ანალიზი და გავრცელება;
  • საერთაშორისო სამეცნიერო თანამშრომლობის განვითარება;
  • ცენტრის სამეცნიერო პერსონალის მობილობის წახალისება;
  • ახალი სამეცნიერო პერსონალის მომზადებისა და გადამზადების ხელშეწყობა;
  • უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობა სამეცნიერო სფეროში;
  • უმაღლესი საგანმანათლებლო დაწესებულებასთან თანამშრომლობით ერთობლივი უმაღლესი საგანმანათლებლო პროგრამების განხორციელება;
  • მაღალკვალიფიციური პერსონალის სამეცნიერო - კვლევითი მომზადება, რომელსაც შეუძლია ეფექტური წვლილი შეიტანოს საქართველოს პროგრესულ განვითარებაში;
  • მულტიდისციპლინური და ინტერდისციპლინური ფუნდამენტური და გამოყენებითი მეცნიერული კვლევის ჩატარება, რომელიც განსაზღვრავს ცენტრის საერთო პოტენციალს;
  • ქვეყნის სოციალური, ეკონომიკური, ინსტიტუციური და კულტურული განვითარების ხელშეწყობა.

დასახული მიზნების მისაღწევად ცენტრი:

  • აწარმოებს ფიზიოლოგიის, ბიოქიმიის, მოლეკულური ბიოლოგიის, ბიოფიზიკის, ნევროლოგიის, ნეირომეცნიერებების, რადიობიოლოგიის, რადიაციული ეკოლოგიის და მათ მომიჯნავე დარგებში ფუნდამენტური და გამოყენებითი ხასიათის თეორიულ და ექსპერიმენტულ კვლევებს;
  • ზრუნავს ლაბორატორიების თანამედროვე აპარატურით აღჭურვასა და მათი საშუალებით ბიოლოგიისა და მედიცინის შესაბამის დარგებში კვლევის საერთაშორისო სტანდარტების მიღწევაზე;
  • ხელს უწყობს კვლევითი სტატიების – სამამულო და საერთაშორისო დონის ჟურნალებში გამოქვეყნებას, წაახალისებს ცენტრის თანამშრომელთა ციტირების ინდექსის ზრდას;
  • ხელს უწყობს ცენტრისა და უცხოეთის ქვეყნების სამეცნიერო წრეებს შორის მეცნიერებისა და ტექნოლოგიების განვითარების სფეროში სამეცნიერო ინფორმაციის გაცვლას;
  • ორგანიზებას უწევს საერთაშორისო სამეცნიერო კონფერენციებისა და სიმპოზიუმების გამართვას;
  • აწყობს ახალგაზრდა მეცნიერთათვის საერთაშორისო სკოლა-სემინარებს უცხოელი ექსპერტების მონაწილეობით;
  • თანამშრომლობს სიცოცხლის შემსწავლელ მეცნიერებათა სფეროში არსებულ მსოფლიო და ევროპულ სამეცნიერო საზოგადოებებთან, მათთან ერთობლივი პროექტების განხორციელების მიზნით.